ام هناء عندها سرطان!!

جارتنا ام هناء نموذج للمرأة المصرية المكافحة الأصيلة

يعني ببساطة ممكن تكون هي الست اللي راكبة جنبك في الباص او واقفة جنبك في طابور العيش

او واقفة بتفاصل مع بتاع الخضار اللي علي قمة الشارع

ممكن تلاقيها الصبح بدري قدام باب المدرسة الأبتدائي بتوصل اطفالها لغاية الفصل

بأختصار ام هناء زيها زي اي ست مصرية بتكافح في الحياة عشان تساعد جوزها وتربي عيالها

ام هناء بقالها كام يوم بتشتكي للحاجة (امي ربنا يباركلي فيها )و بتقول :كل يوم الصبح اقوم من النوم واحس كأني شاربة زيت وطعم ربقي وحش قوي

امي اقترحت انها تروح تحلل

و ياريتها ما اقترحت

النتيجة طلعت امبارح و الدكتور بكل اسف اخبرهم انها مصابة بسرطان الكبد

كلنا في حالة صدمة شديدة جدا وما فيش حد مصدق نفسه

ربنا يتولاكي يا ام هناء و يرزق اهلك الصبر

الأهلي افيون الشعب المصري

تحديث (من زمان اوي نفسي اكتب الكلمة دي ) البوست ده منشور النهارده في جريدة الدستور
دصطوووووور يا اسيادنا

للأعلامي القدير عمرو اديب مقولة شهيرة جدا مفادها ان المواطن في مصر يولد اما تابعا للحزب الوطني او اهلاويا وربما -وهو الأغلب - منتميا للأثنين معا ......وهي مقولة بها جانب كبير جدا من الصحة في ظل سيطرة وانفراد الحزب الوطني بالحياة السياسية المصرية و الغاؤه التام لدور اي حزب منافس يحاول ان يتواجد معه علي الساحة اومشاركته ولو جزء صغير جدا من الكعكعة السياسية المصرية وهي كعكعة ضخمة للغاية ولكنها ليست عصية علي الهضم فكروش الحزب الوطني لا تمتلئ ابدا ولديها دائما القدرة علي ابتلاع وامتصاص المزيد و المزيد

كذلك النادي الأهلي المسيطر و المتربع علي عرش الرياضة المصرية لقرن اويزيد و العشق الأول و الأخير لجماهير المصريين العريضة .........ففي وطن يتعاطي ابنائه الهزائم و النكبات الواحدة تلو الأخري تجد ان النادي الأهلي قد اصبح الكيان الوحيد في مصر القادر علي رسم البسمه و الابتهاج علي وجوه المصريين فقطار انتصارات الأهلي لا يتوقف و دولاب بطولاته يتسع دائما للمزيد و المزيد من الكئوس و الدروع

النادي الأهلي مثله مثل الحزب الوطني لا يقبل الا بالمركز الأول وحصد كل البطولات .........ليالي خساراته -علي قلتها - هي ليالي سوداء كئيبة علي الشعب المصري وايام انتصاراته وفوزه هي اعياد طويلة تقام لها الأحتفالات الضخمة وتشهد فيها الفرحة و البسمة العريضة تغطي وجوه المصريين .................. هذه الفرحة التي فقد المصريون معناها ومذاقها في ظل الهزائم و النكبات المستمرة التي يلحقها بهم الحزب الوطني بأستمرار فمن الهزيمة في معركة طابور الخبز الي الأحتراق بنيران الأسعار المرتفعة ومن نكسة صفر المونديال الي نكبةالعبارة ومن فضيحة الغذاء المسرطن الي عار تصدير الغاز المصري الي العدو الصهيوني وبثمن بخس ..............سجل ضخم للغاية من العار و الفضائح تضفي الكأبة و الهم علي نفوس المصريين ........ولكن .....يبقي الأهلي ببطولاته و انتصاراته النصير الأول للمواطن الغلبان المستضعف يزيل عنه الألام و يداوي جراح القلب المهموم ...ففي كل يوم تتحقق بطولة جديدة او يضاف انتصار جديد لسجل انتصاراته الحافل ويزداد عشق الأهلي في القلوب ليصبح وطنا داخل الوطن ويتحول من يوم الي اخر الي ......افيون حقيقي يتعاطاه الشعب المصري للتغلب علي احزانه و هزائمه .

اضحك مع الاخوان

بيقولك الاخوان يطالبون بالافراج عن اسراء عبد الفتاح ونوابهم يتقدمون ببيان عاجل عن اختفائها

طب يعني مش هي اسراء عبد الفتاح دي اللي دعت للأضراب اللي هو زي ماقلتم كده تخريب وفوضي و انتم غير مسئولين عنه

ايه الحكاية بقي ؟؟

عرفتم ان الناس قرفت منكم فبتحاولوا تزودوا رصيكم عند الناس اللي زعلانين علي اللي حصل لرئيسة جمهورية الفيس بوك غير المنتحبة و المتوجة في قلوب كل المصريين ؟

فهمونا ايه اصل الحكاية ؟؟؟؟؟

فلسطيني انا اسمي فلسطيني

فلسطينى انا اسمى فلسطينى

نقشت اسمى على كل الميادين

بخط بارز يسمو على العناوين

حروف اسمى حروف اسمى

تلاحقنى

تعايشينى

تغذينى

تبث النار فى روحى

وتنبض فى شراينى

جبال النهر تعرفنى مغاورها وتدرينى

بذلت الطاقة الكبرى

وقلت لامتى كونى

صلاح الدين فى اعماق اعماقى ينادينى

وكل عروبتى للثأر

للتحرير

تدعونى

وراياتي التى طويت على ربوات حطين

وصوت مؤذن الاقصى يهيب بنا

اغيثونى

والالاف من الاسري

والالاف المساجين

تنادى الامة الكبرى

وتهتف بالملايين

تقول لهم الى القدس

اليها قبل تأبينى

الى حرب تدك الظلم

تزهق روح صهيون

وترفع فى سماء الكون اعلام فلسطين

وتأزر كلمتى تمضى

فلسطينى

فلسطينى

فلسطينى

http://www.youtube.com/watch?v=6LDR51M_pBs&feature=related

انصر دينك انصر نبيك - حملة مقاطعة البضائع الهولندية

اليوم تبدء حملة مقاطعة البضائع الهولندية علي مستوي العالم الاسلامي

انصروا دينكم -انصروا نبيكم

هيا نقاطع منتجات الهولنديين

من 10 ابريل حتي 25ابريل

(ان تنصروا الله ينصركم ويثبت اقدامكم )

Boycotted products - Dutch stand your religion

اهم نتائج اضراب 6 ابريل

بنظرة سريعة جدا لأضراب امبارح هنلاقي عندنا شوية نتايج مهمة جدا

:

لما تقرب ساعة التوريث الحكومة مش هتتردد لحظة في استخدام القمع و العنف للوصول للنتئج المرغوبة بغض النظر عن الغضب الشعبي او الدولي

لا توجد لدي الشعب اي مشكلة في مواجهة العنف بالعنف و اللي حصل في المحلة ممكن يتكرر في اي حتة بسهولة

كان واحد صاحبي زمان بيحلف علي المصحف ان الاخوان ممكن يبيعوا ابوهم في سبيل اي مصلحة خاصة بهم و انا عمري ما كنت بصدق كلامه ........للأسف ثبت بالدليل القاطع اني حمار

اخر حاجة كلمة محشورة في زوري من اول امبارح

توظ في الاخوان و اللي زعلان يولع

Fast look on results of strike yesterday

The Egyptian government in use of the violence does not hesitate when hour of the bequest get close

To exists any shaper at the Egyptians in confrontation of the violence in the violence and what happened yesterday he notified evidence thereon

Was for me friend swears always on power of the brothers Muslim on the sacrifice in Egyptian services for their special services

I does not believe him never

i was wrong

حملة مقاطعة البضائع الهولندية - المرحلة الاولي

حرية الفكر و التعبير النهارده اصبحت الرخصة الرسمية لأهانتنا في ديننا ورموزنا ومقدستنا لهذا اصبح واجب علينا اليوم ان ننظم انفسنا في مواجهة هذه الحملة الشرسة بحيث يخرج منا رد فعلي دفاعي منظم نعبر فيه عن غضبتنا و في نفس الوقت ندافع عن انفسنا وعن ديننا و لا نظهر كما يريدون لنا كمتطرفين و همج و لا نسيء اكثر من هذا لديننا .......و لأن اللغة الي بيفهموها هي لغة اليورو ...............اذا فالمقاطعة هي الحل هذه المرة لأن اخر حاجة سمعتها من عمرو اديب امبارح بتقول ان الشركات الهولندية هترفع قضايا علي النائب المتطرف غيرت فيلدرز اذا تم مقاطعتها من جانب الدول العربية ..........يلا بينا نقاطع البضائع الهولندية و نتبني فكرة الاعلامي القدير عمرو اديب ونبدء المقاطعة كمرحلة اولي من يوم 10 وحتي يوم 25 من ابريل ونشوف بعد كده النتائج هتكون ايه و نبتدي بعدها مرحلة جديدة في التعامل مع الموضوع .

وهذا هو رابط للبضائع الهولندية بالاسواق العربية

ما اشربش العصير اشرب تفاحة - موضوع رجعي جدا

مشهد واحد
(قاعة محاضرات اضاءة باهتة......نشاهد شخص يرتدي بدلة ويمسك بمايك طبعا مش بيغني
....)

المحاضرة مملة وخنيقة و انا قرفان
و عايز انام
بس عندي ميعاد مهم بعد المحاضرة بساعتين
طب و الحل ؟!!
واحد قهوة زيادة ع السريع من علي الكافيتريا اللي جنب الكلية مع حجر تفاحة لتظبيط الدماغ
اعطيت الاشارة للشباب ....انا طالع ع القهوة وهامشي من بره
اي خدمات ؟!!

واضح ان مش انا لوحدي المخنوق من المحاضرة لأن الشلةكلها صممت علي الخروج معايا

اشطاط (جمع قشطة بالهبل )

و انتي يابنتي رايحة فين ؟؟!! (دي منار صاحبتي الانتيخ علي رأي اللمبي )

انا رايحة معاكم؟

معانا فين؟

الكافيه

ياماما احنا رايحين قهوة شعبية........مينفعش تيجي معانا ؟

( بدأت تدبدب برجليها علي الارض)

ماليش دعوة انا هاجي معاكم!

(يتدخل مدحت ) وماله تعالي يا منار........احنا هنطلع علي كافيه محترم ع الكورنيش ما تحبكهاش( بمعني لاداعي للتعقيد )يا عم مصطفي ؟

اوك اتفضلي بس هنركب تاكسي علي حسابك ؟

مافيش مشاكل .

_______________________________
مشهد 2 (داخل الكافيترا اضاءة قوية وموسيقي صاخبة وتليفزيون كبير و ميلودي غمض عينيك عشان النظرة سهم من سهام ابليس )

الجارسون :اتفضلوا يا باشوات(ميعرفش ان الباشوية اتلغت ) طلباتكم ايه ؟

مدحت : شاي وتفاحة
علي : شاي وتفاحة
(انا ) :زيادة كرمل و تفاحة
منار : زيه
انا :قهوة زيادة يعني ؟
منار: وتفاحة (!!!!!!!!)
انا: نعم يا ختي ؟
منار: نفسي اجرب ....فيها حاجة؟
مدحت : لاء ما فيهاش حاجة
انا : انتي بتتكلمي بجد ؟
منار : ايوه

تم احضار الطلبات و سحبت الانسة اول نفس و بدء وشها يحمر و لا كأنها بتضرب حشيش
طالبتها بالتوقف
رفضت
غادرتهم غاضبا
جري ورأي مدحت و قال لي : بلاش تخلف يابني ؟
نظرت اليه بابتسامة ساخرة وقلت : انا متخلفففففففففففففففففففففففف
_______________________________
الختام .......اتصلت بي منار منذ قليل معتذرة مع وعد بعدم تكرار الامر

فليحيا التخلففففففف

رسالة الي من يهمه الامر في جريدة الدستور

في البداية احب اقول لابو يحيي و لكل الصحفيين الابطال اللي اتحكم عليهم معاه قلبي معاكم و صدقوني مصر مش هتنساكم ابدا

المهم احنا عايزين نتكلم شوية عن الدستور و اللي بيجري فيها

استاذ ابرهيم هكلمك بصراحة و كواحد من اشد المعجبين بتجربة الدستور الصحفية احب اناقش معاك شوية حاجات كده

بصراحة انا شايف ان ده انسب وقت يا ابو يحيي تاخد عمنا بلال فضل و تطلعوا علي عمرو سليم وتتصافوا و ترجعوا الراجل تاني لقرائه و معجبينه

استاذ ابراهيم خالد البلشي و عبير العسكري من عندكم ....من الدستور و مكانهم في الدستور و لازم يرجعوا

تجربة ان الاساتذة الكبار زي عبد الحليم قنديل و ووائل الابراشي وعادل حمودة يكتبوا في الدستور كانت جميلة جدا و ثرية و نتمني استمرارها

الاستاذ جمال فهمي لازم يرجع يمتعنا بكتابته تاني و عيب يا ابو يحيي لما تخسروا بعض عشان كارنيه نقابة حتي لو كان لبنت رئيس مجلس الادارة ( علي الاقل شباب الدستور اولي )و لا ايه ؟

صفحة قلمين صنعت جزء كبير من شهرة الدستور في صدارها التاني و لازم ترجع تاني يا عم ابراهيم و حكاية ان الاستاذ بلال مش عايزنا نكتئب معه فحب قله ........لا تبتسم انت في مصر بلد الكأبة الازلي !!

صفحات زي رعب و الالعاب استنفذت غرضها و بق مملة جدا و التجديد مطلوب و بعدين ودا الاهم هو عم احمدالفاجومي اختفي فين ؟؟؟؟

عندي اقتراح يمكن يون كويس و هو تخصيص ركن دائم لنجوم التدوين في مصر في العدد الاسبوعي يتبادلوا عليه بمقالاتهم (وائل عباس ,الشرقاوي , نوارة,جيمي .............الخ )و طبعا مش عايزين نقول ان علاقة الدستور ببعض المدونين لازم تتصلح عشان بعد كده و في الفترة الجاية ما تقفش الدستور لوحده في وجه النظام .....لازم كلنا نبقي ايد واحدة


اخر حاجة تقولوا للأستاذ بتاع التعتعة ان التعتعة اليومين دول بقت مملة اوي ييييييييييي.