بيقولك الاخوان يطالبون بالافراج عن اسراء عبد الفتاح ونوابهم يتقدمون ببيان عاجل عن اختفائها
طب يعني مش هي اسراء عبد الفتاح دي اللي دعت للأضراب اللي هو زي ماقلتم كده تخريب وفوضي و انتم غير مسئولين عنه
ايه الحكاية بقي ؟؟
عرفتم ان الناس قرفت منكم فبتحاولوا تزودوا رصيكم عند الناس اللي زعلانين علي اللي حصل لرئيسة جمهورية الفيس بوك غير المنتحبة و المتوجة في قلوب كل المصريين ؟
فهمونا ايه اصل الحكاية ؟؟؟؟؟
42 comments:
مين قال ان الناس قرفت مننا
إنت وامثالك - أعداء الإسلاميين رغم ان الإسلاميين لا يعادوكم- اللى قرفت ودا لا يعبر عن راى الشعب يا ديكتاتور
لو كان على الإضراب فانا شاركت ودعيت ليه لكن الإخوان جماعتى ليها رأى تانى دا شئ يخصها ليها حسابتها واللا لازم تمشى على مزاج السيادة يا ديكتا
إحنا طلعنا بيان بيقول أن الإضراب حق مشروع لكن إحنا مش هنشارك لحساباتنا اللى من حقنا لان إحنا مش بنمشى ورا حد
ولما نطالب بحرية إسراء زيها زى اى واحد من الإخوان أو غير الإخوان مسجون ظلما وزورا نبقى متهمين من أمثالك باننا بنحاول نزود رصيدنا عند الناس
لا يا بابا رصيدنا عالى قوى وورونا رصيدكم يا ديكتاتور ( اللهم لك الحمد )
كفاكم حقد
مش معنى ان الاخوان رفضت الاشتراك فى الاضراب انها تتجاهل واحدة زى اسراء تسعى الى ان يطالب كل مواطن بحقة فى التعبير عن راية من مواقف الحكومة وظروف المجتمع اللى كلنا بنعيشة سواء كنا اخوان ولا اعداء .
احنا فى النهاية مصريين ومشاكل البلد كلها من واجبنا كلنا وبلاش تعمل الاخوان شماعتك يا متخلف وخليك راجل واقعى فى كلامك وشوف الصورة من زاوية سليمة لو كنت فعلا بتفهم يعنى اية سياسة
ياحاج محمد انا نفسي افهم هو اللي كتبه جيفارا معصبك كده ليه
هو كل اللي ينتقدكم يبقي حاقد وموتور
ايوه رصيدكم عند الناس قل وانا متفق مع جيفارا انكم بتلعبوا علي القضايا المضمونة بس عشان تكسبوا ود الناس و بلاش كل اللي يعارض فكركم يبقي جاهل ومتخلف عشان هو ده التخلف بعينه
و بالنسبة لحكاية العداء للأسلاميين فأنا شايف ا جيفارا عنده توجه اسلامي معتدل شوية
بس المشكلة انه بينتقد كل حاجة مش عجباه يمكن بعصبية شوية
و بعدين ياحاج حمادة لما تحب تعلق علي موضوع مرتين ابقي سيب فاصل زمني كبير شوية عشان الناس متضحكش عليك
عجايب يا جدعان
البلد الان في موقف صعب و تحتاج الي تكاتف كل القوي الموجودة لأسقاط حكم مبارك و لكنها تحتاج قبل ذلك ايضا الي مواقف واضحة و الاخوان مواقفهم شديدة الميوعة و في بعض الاحيان تكون غير مبررة او مفهومة
جيفارا .انا معاك في كل ما كتبت
و خلي بالك
المرة دي انت بقيت عدو للأسلاميين
المرة الجاية هتبقي كافر و عدو للأسلام
يلا ياض يا شيوعي يا سيكوباتي يا متعفن انت مين قالك تكتب و تفكر ياض
سيب التفكير لأخوانك في الحزن الوطني او اخوانك المسلمين واحنا ان شاء الله هنتقدم و نحرر القدس ونهزم امريكاو الغرب الكافر كله
و سمعني من فضلك اغنية الفاسق سعد الصغير
اركب الحنطور
معلش انا شكلي هيست
اصل الحجرين بتوع الاصطباحة كانوا تقال حبتين
مع تحيات خالك رامبو
نسيت اقول لمحمد جيري
انت بتقول لجيفارا
لا يا بابا رصيدنا عالى قوى وورونا رصيدكم يا ديكتاتور
و انا احب اقول لك دي جعجعة علي الفاضي عشان في جملة واحدة عندك 3 غلطات
اول واحدة خليها للأخر
تاني واحدة
رصيدكم عالي قوي و هقولك علي رأي الست
لسه فاكر كان زمان
يعني الناس كانت مستبشرة بيكم خير لما 88 نائب محترم منكم وصلوا لمجلس الشعب
لكن النهارده لما الناس بتتكلم بتقول هما الاخوان اللي في مجلس الشعب كانوا عمللونا ايه يعني؟؟
و لا حاجة ؟؟
كل الحكاية جعجعة و صوت عالي
وطكبعا حضرتك عارف زي ما قال العلامة كريم عبد العزيز في رائعته محطة مصر
صوتك العالي دليل علي ضعف صحتك
ههههههههههههه
حلوة صح
تالت حاجة بقي انت بتقول لجيفارا يا دكتاتور و بصراحة جيفارا اسمه الحقيقي مش ديكتاتور
الحاجة الاولي بقي انت كمان بتقوله يابابا واعتقد انه المفروض يقولك يا جدوو
و بعدين يا حبيبي بابا هناك في البيت
اخيرا واخرا احب اقولك لما تغلط 3 غلطات في جملة من نص سطر يبقي ليك تعليق اخير عندي وهو
حمرا يا قوطة
ازاي يدافع الحاقد على المحقود مش قادر افهمها
على فكرة الاخوان كان نفسهم الاضراب يفشل -انا بتكلم كجماعة مش افراد-عشان يقعدو يطنطو ويقولو احنا الوحيدين الموجدين
الاخوان الاخوان
هي البلد مافيهاش غير الاخوان
شوفوا الفساد جايمنينوحاربوه بدلما تحاربوا اللي بيناضلوا ضده
بسم الله ما شاء الله
و الله ما انا عارفة الاستاذ فى التعليق الاول بيتهمك بمعادة الاسلام
و ان الاخوان مش عارف ايه
عمركوا يا بتوع الاخوان ما هتفهموا يعنى ايه ديمقراطية و انتوا ماشيين بمبدا خالف تعرف
عمركوا ما هتعرفوا تمسكوا الحكم
و انتوا متاخذين الاسلام شعار و بس
انما عند التطبيق هيهات
ازى حضرتك بتنادى بالحرية و انت دلوقت علشان اخاك فى الله قال رايى منافى لرايك اتهمته بانه معادى الاسلام
هل الاسلام قالك انك تحجر على راى اخاك كدة
او انك تلقى عليه التهم بالمنظر دة
عمركوا يا شعب مصر ما هتعرفوا طعم الحرية و لا الديمقراطية و انتوا مش بتتقبلوا الراى الاخر و بتسلموا بحرية الراى
ايوة يا فندم
على الرغم من انى مش ضد الحزب و لا مع اى حزب اخر
الا انكوا فعلا لسان على الفاضى
كل يوم براى و بحال
و بس
متخذين الدين كشعار انما انتوا اصلا و من تصرفتكوا يعنى
انا مش بنجم يعنى
فى منتهى الدكتاتورية
و يا جماعة يا مثقفين يا الى بتقولوا على نفسكوا مثقفين
لازم يبقى فى لغة محترمة للحوار
و مش كل حاجة تريقة
و على فكرة علو الصوت دليل على ضعف موقفك
و التريقة على راى الناس دليل على ضعف حجتك و فكرك
لك الله يا مصرنا
شعب حقا لا يتسحق ان يكون حرا
و لصاحب المقال
تعليقى هو كالاتى
ان على الرغم من ان الاخوان زى ما قلت بق فقط
و لسان على الفاضى
الا انهم بردة مهما كان من مصر و يهموهم و الله اعلم
انهم يحصلوا على الحرية و اللى الله اعلم عارفين اصلا معناها و لا لاء
تحياتى لك
الاخوان جزء من منظومة الفساد اللي بتحكمنا
فسادهم وارهابهم الفكري لكل من يخالفهم دليل علي السواد اللي شعب مصر هيشوفه لو وصلوا لحكم
مصر
وهو ده اقصي امانيهم
تحياتى
تحياتى
تحياتى
لك ولكل من يرى الاخوان على حقيقتهم
لك ولكل من يرفض التمسح فى اردية الدين والفضلية
وهو لا يبغى الا منصبا
لك ولكل من يعرفى معنى كلمة جيفارا
التشى
المثال الاول والاخير
لكلمتى الحق والحقيقة
الاخوان كما اقول دوما
هم حرباء هذا الزمان
تتلون بكل لون فى كل لحظة لتوائم هذة اللحظة
من اجل الاستمرار والبقاء
فقط احب ان اضيف لك
انى لا اعلق من سبيل
تعليق " ملو خانة "
او لانك زرتنى فى مدونتى وقلت كلام كويس عنى كلامى
فباقولك كلام كويس
يمكنك ان تقرأ رأيى فى الاخوان فى مدونة قطة الصحراء
وفى مدونتى فى التاج الثانى المنشور فى شهر فبراير
وقد جلبت ارائى هذة هجوما شديدا على
وارى انك تقابل بمثلةفى التعليقات باعلاة
ولكن هناك من لا يزالون قادرون على رؤية الحقيقة كذلك
فتحياتى
جيفارا المصرى
أنا شايف ان جيفارا بيتكلم صح وكمان الناس اللى معاه بيتكلموا صح
بس فى حاجة عاوز اقولها ان احنا بالشكل ده ممكن نعمل فتنة داخل مصر والاخوان يحاربوا اللى مش اخوان ونبقى زى فلسطين حماس بتضرب فى فتح ونسوا مين هو عدوهم الاساسى
فيا ريت ما ننساش اننا مصريين ومسلمين وموحدين بالله
وان العدو عاوز كده عاوز ابناء الوطن يبقوا حريقة فى بعض علشان يدخل هو بسهولة
عربجية المدونين اتلموا علي الاستاذ محمد خيري عشان قال رأيه يصراحة
طب مش هو ده الارهاب الفكري بعينه
خليكم في الشعر و الرومانسية احسن و سيبوا السياسة لأهلها
استاذ جيفارا ليس انتقادا في كلامك ولكن ايد ان ابدي راي عندك هل من الممكن
اتمني ان تكون اهدي من ذلك لان اسراء ليست ملكا لنفسها الان بل هي ملك لمصر ونحن جزء ولو صغير نحاول ان نخدم مصر
2_ لكل الناس حساباتهم ولا ادري لماذالا تنتقد الاحزاب التي لم تشارك في الاضراب بل هاجمتة وليس كما فعل الاخوان الذين شاركو في الاضراب الاصلي وهو خليك في البيت
3_ اتمني ان يكون بيننا اتصال ومناقشة في اي شي خلافي بيننا فنحن كمصرين لم نعدم التفاهم والاتفاق بيننا وان كان السب والشتم في الاخوان يريحكم فانا معك فانا اعرف ان من يسب الاخوان هو في الاصل يعاني من كبت الحكومة الديكتاتورية
وفي النهاية ادعوك لزياة مدونتي والتواصل الدائم بيننا انت وكل من علق وسب وشتم في الاخوان داخل مدونتك كما انتقد الاخ اللي كلمك من الاخوان لان هذا ليس اسلوب حوار وشكرا واعتذ عن الاطالة
بص يا عم ابراهيم انا متابع من بعيد ومش عايز اتدخل دلوقت بس عايز ارد عليك في حاجة
الاحزاب اللي انت بتتكلم عنها مالهاش وجود اصلا وكلنا متوقعين مواقفها وعارفين انها اصلا بتستمد وجودها من وجود النظام
لكن
جماعة الاخوان مواقفها دايما ملتبسة وغير صريحة
احنا في مفترق طرق و مطلوب من الجميع مواقف واضحة ومحددة
عايزين نعرف مين مع الشعب ومين بيوالس النظام
الاخوان بيقولوا انهم كانوا خايفين يشيلوا ليلة الاضراب وانا بقولك مافيش مشكلة بس مافيش داعي انك تصف الاضراب بالفوضي و التخريب
و بعدين بصراحة كل اللي اتعاملوا مع الاخ محمد خيري كان معاهم حق لأن الاستاذ دخل المدونة وشايل سيفه وطايح في كل المواضيع ومش عاجبه حاجة خالص
و بصراحة انا مش مستغرب اللي عمله لأن هي دي طبيعتنا احنا العرب
اول ما نختلف مع حد بتبدء اتهامات التخوين و التكفير و الوصم بالغباء و التخلف
مافيش سعة صدر
مافيش استقبال او محاولة استيعاب لوجهة نظر الاخر
انا كان ممكن ابعت كل اللي هو كتبه لصندوق الزبالة بس انا قررت تركه عشان الناس تعرف اللي زي الاخ ده بيفكروا ازاي و بيتعاملوا مع الناس ازاي
الخال رامبو حبيب قلبي
مش عارف اقولك ايه غير ربنا يستر علينا
ممكن بكرا الاقي واحد جاهل بيقول انت كافر ؟ عادي
بس بجد الواحد عنده امل في شباب محترم بيدعو للحوار زي ابراهيم كده
المهم انت تبطل الهباب اللي بتشربه وفاضحنا بيه في كل مكان
استاذ حيفارا
اشكرك علي قدومك السريع لمدونتي واتمني التواصل الدائم بيننا
وارجو الاتحزن مما قاله الاستاذ خيري فانا اعتذر نيابة عن الفكة الاخوانية التي اجتمعنا عليها وليس عنة شخصيا ن كل انسان مقيد بما يقول
2: الجماعة موقفها ليس ملتبسا ولكن مارج من تشوية حتي يسقطو من شعبية الجماعة ونحن لم ننتقد الاضراب كاضراب سلمي ولكن ماانتقدناة هو تعامل امني تعسفي مع اهل المحلة قاد الي احتقان شعبي الصق بالاضراب وهم الان يحاولون الصاق ماحصل في المحلة بالاخوان واسال كتاب التقاريير الامنية
الاخوة المعلقين عندك رسمو للأخوان صوة غير موجودة من الديكتاتوية وذلك من باب النيل من الاخوان وانا من عندك اقول ان محاولة تشوية اي فصيل معارض كبير او صغير قوي او ضعيف ستصبح ناتج عكسي في تقوية النظام الديكتاتوري واتمني في النهاية ا تنقطع زيارتك عندي وان نتواصل دائما
hui mu han
انا حاولت افسر اللي حصل او افهم التبريرات اللي اتذكرت بس مش قادر استوعب و عقلي رافض قبول اي تبرير و اخر حاجة اقنعت نفسي بيها ان اللي عمله الاخوان ده كان مغازلة صريحة للنظام عشان يخفف احكامه العسكرية علي خيرت الشاطر ورفاقه
______________________________________
RANIA
الجميلة رانيا
هو ده اسلوب العرب في الحوار ومبدأهم في الاختلاف
اول ما بنختلف بنخون بعض و بنكفر بعض
نما فيش استعداد لتغيير المفاهيم
مافيش استعداد للحوار مع الاخر .
في عصور الظلام و الانحطاط اللي احنا بنمر بيها لا تستغربي استعمال البعض للدين كوسيلة لبلوغ المنزلة الكبيرة مع احاطة انفسهم بهالة من القداسة و السمو و يصبح مجرد انتقادهم نوع من الكفر و الفساد _________________________________________
SHREEN
المبدعة شيرين
شكرا علي مرورك الجميل بمدونتي المتواضعة
عارفة اكتر حاجة انا مقتنع بيها النهاردة ايه ؟
ان معظم المعارضين لنظام مبارك عايزينه يرحل عشان يحكمونا بصورة اسوء كلها فساد وقمع
بس عارفة مين اخطرهم
اخطرهم اللي بيتمسح في الدين
و فاكر نفسه المبعوث الالهي لأنقاذ شعب مصر من حكم الفرعون
عارفة ليه ؟
لأن الحكم ده بمجرد معارضته و الاختلاف معاه
هتبقي من وجهة نظره بتعارضي الاسلام و شرع ربنا ويجب اقامة حد الله عليكي و دين ربنا مانزلش عشان كده
___________________________________________
COMMERCEMAN ........
عمو تيفة حبيب قلبي
شكرا علي مرورك الجميل في مدونتي واسمحلي اتفق معاك في كلامك واضيف عليه ان عشان اللي قلته ما يحصلش لازم مواقف الناس كلها تبقي واضحة ومفهومة
لأنه لا حياد وقت الفتنه
ياشمال يا يمين
يامع الشعب
يا مع الحكم الديكتاتوري الفاشي
و عشان كده احنا انتقدنا الاخوان
يعني لا كره و لا دكتاتورية و لا عداء لحد
يانهار اسود
عدو للأسلاميين
ربنا يستر
استمرار هذا الحوار يثبت وجهة نظري ان اللي اتلموا هناعلي الاستاذ خيري ناس بتتعاطي البذاءات القبيحة
لوهما دول شبابنا اللي كل حياتهم قصايد رومانسية او العيب والذم في الاخرين يبقي علي البلد السلامة
استاذ ابرهيم انا مش معاك في اعتذارك عن الاستاذ خيري لصالح العربجية دول
.انت المفروض تقولهم بطلوا تدوين احسن
شكرا أخ إبراهيم وشكرا جميع الإخوه والأخوات على الكلام اللطيف اللى قولتوه فيا
لكن لما جيفارا المصرى يكتب ويقول أن الإخوان أصدروا بيان علشان يزودوا شعبيتهم مابين الناس
متجاهلا معنى كلمة حق فى وجه سلطان جائر
وبيصدر قرار على الإخوان يبقى أقول إيه
وكأن الإخوان هدفهم مجرد الشعب
لا سيدى الفاضل هدفنا هو الإسلام
ولو كان مجرد الهدف دنيوى بحت ما كنت ترى هذى الشعبية والثقة مش فى مصر بس بل فى كل العالم
بل ما كنت رايت كل هذا العدد من الإخوان والأخوات
هل تريد أن تقنعنى أن كل هولاء هدفهم زيادة شعبية بين الناس
أقولها
لم يكن الله ليرحمنا فى الدنيا فضلا عن الأخرة
سيدى الفاضل
لم لا تدركون ولو لمرة واحدة أننا نعمل لاجل الله ووطنيون مثلنا مثلك وعربيون نسعى لرفعة الوطن
لم تبدؤون دائما بالتشكيك والتخوين ...لاحظ أنى فعلت هذا أيضا
متأسف على الإسلوب الأولانى فى الحوار وارجو ان تقبل إعتذارى أيضا عن كلمة ديكتاتور وأرجو ان تكون صديقا للإسلاميين
وسلام الله عليكم ورحمته وبركاته
السلام عليكم ورحمة الله وبركاته
اعتقد ان الاولي بالمتابعة موضوع مقاطعة البضائع الهولندية
اتمني ان يواصل الاخ مصطفي متابعة الموضوع بعد المجهود الرائع في الفترة السابقة
وجزاكم الله كل خير
بص يا اخي الأخوان لهم حسابتهم الخاصة والتي ليست بالضرورة ان تكون متوافقة مع مطالب الراي العام
الأخوان يحاولون ان يستخدموا اقصي المتاح لتحقيق اقصي المصلحة قد اتفق معك في بعض ما تقول لكن في ظل الظروف التي نعيشها لابد ان ننحي الأختلافات جانبا ونكن يدا واحدة في مواجهة هذا النظام الفاشي الذي يحكمنا
ارجو ان تتفهم معني كلامي
وسلامي لك
ملحوظة اخيرة لأخوة المعلقين
النقاش لا يكون بالشتائم ولكن بالعظة الحسنة نحن هدونون ولسنا شتامون
جيفارا
لا تنسى ان للألعاب السياسية حسابات أخرى, انا لا ابرر للأخوان فمثلك لا أحبهم.. لله فى لله
لقد اعلنوا رفضهم الرسمى للأضراب حتى لا يتاخدوا فى الرجلين, ويصبح ذريعة لضربهم, وان كان هذا غيرملزم بشكل شخصى لأعضائهم
ثم عادوا يصرخون من اجل اسراء, لكى يثبتوا وجود ليبراليتهم المفقودة فى الفكر الأخوانى, الذى يتزعمه حاليا أبو رسالةعلى رآى حمدى رزق فى المصرى اليوم
تحياتى
الأخوان ليهم حساباتهم الخاصه ورفضوا يتدخلوا فى الإضراب بشكل جماى تنظيمى عشان مش يتاخدوا فى الرجلين؟جميل وهل دة غلط أو عيب يا ريت حد يفهمنى الإضراب معناه ايه النزول للشارع والا الإمتناع عن التعامل اليومى المعتاد سيما مع أجهزة الدوله ويا ترى لو كان الغخوان نزلوا الشارع واتورطوا فى مواجهه مع ميسليشيات الكومه زىى الى حصل فى المحله كان الغخوة الى بيهاجمومهم الوأتى هيدافعوا عنهم وا برضه هيهاجموا الإرهابيين غير المتحضرين الى ركبوا الموجه عشان يوجهوه لصالحهم ....على طريقه ما لقيوش فى الورد عيب,كمان أنا عاتب على صاحب أول تعليق من حق أى حد إنه يكون ليه رأيه مهما اختلفت معاه من دون من نتحول لوصاه مين أداك او أى مخلوق تانى تحكم على معتقد إنسان أو خيله نفسه؟؟؟؟
ياجماعة العيال دول كل همهم شتيمة الاخوان ومعارضة اي فكر اسلامي متحضر
يعني الكلام معاهم ملوش لازمة لأن عندهم افكار مسبقة وقناعات قوية ضد اي عمل سياسي اسلامي
مهما عملتم مش هتقنعوهم ابدا
هؤلاء هم الاخوان يا عزيزى
الاستاذ جيفارا اشكركمرة اخي ولكن عاد الاخ محمد واعتذر عن كلماتة ولكن
رسالة الي الاخوة الذين مازالو يشتمون هل هذا هي صيغة التفاهم
اذا كنتم تبحثون عن ليبرالية حقيقة في مصر لن تجدوها
وان كنتم تكرهوننا لاننا اخوان فنحن لن نتغير كما انتم لن تتغيرو
الاولي ان نجتمع الي قرار واحد الاستاذ محمد طة لا اتفق معك في ما تقولة ارجوك الا تشوة الحقيقة بكلماتك التي لااعتقد انها لاتعبر الا عن رايك الشخصي
ا:سويلم اني احبك في اللهواتمني ان ترا الحقيقة اوضح والا تكهني بصوة مسبقة
ابراهيم
مش فالحين غير في الكلام والانتقاد انما تعملوا حاجه مفيده لا
بغبغانات
رجعتونا لوره
شباب عايز حش وسطه
اخي جيفا هل قاة تصريحات اساء ملكة الفيس بوك عد خروجها علي المصري اليوم يوم الجمعة 25 ابريل
لم اسمع عن اضراب4ابريل ولن اسمععنةولن اشارك فية
هكذا قالت اسراء فهل تستطيع سبها الان اخي ان التغير مراحل وليس صدفة فرجاء ان تنتحد من اجل ان نخرج من نفق مظلم وضعنا انفسنا فية قبل ان يضعنا النظام فية والا ياتي احدنا علي الاخرويظلمة من اجل مواقف شخصية
عزيزي جيفارا
عاده الأخوان و لا حيشتروها؟؟
ك هما دول اللي قالوا انهم حيتخلوا عن شعار الأخوان الاسلام هو الحل و ده ياتري لحساب مين؟الا مصلحتهم الشخصيه اللي بتتغي علي حسبها كلامهم و شعاراتهم
و كمان طالبوا الناس انهم يقاطعوا الانتخابات المحليه و مع ذلك هما نفسك حيشتركوا
مبادئ تتجزء علي حسب المصالح الشخصيه
تحياتي لرأيك
اسف جدا لتأخري في الرد
انا لسه راجع من السفر والجهاز بيهنج
اول ما استريح هارجع ارد علي طول ان شاء الله
حمدلله علي سلامتك عزيزي جيفارا
و كل سنه و انت طيب عد ربيع سعيد ليك
تحياتي
الأستاذ الفاضل جدا جدا محمد السيد طه : حديثك يوضح جدا مين هو العربجي !!
وع العموم هكررلك كلامي تاني
ممكن جدا اضغط علي صندوق الزبالة اللي محطوط جنب كلامك و ارميه فيه
بس انا هاسيبه عشان الناس تضحك عليك شوية
الحوار مع امثالك هو نوع من العبث واهدار للوقت عشان كده
المدونة قدامك عربد فيها زي ما انت عايز و الله ما ها أسئل فيك ؟
استاذ خيري
مين اللي ابتدا في التشكيك و التخوين ؟
انا كل اللي عملته اني طرحت تسأول - اعتقده مشروع - حول موقف الأخوان العجيب و المناقض نفسه
كان ممكن حضرتك ترد و تناقش زي ما عمل ابراهيم
بس العقلية المتعصبة اللي بيتمتع بيها شيوخ الأخوان منعتك من الحوار العقلاني و جعلتك تري مجرد الأنتقاد هو نوع من انواع العداوة لكل الفصائل الأسلامية وهما لمعلوماتك مش الأخوان بس ؟ّّ
استاذي الفاضل
عصبية حضرتك خلتك تمر علي مواضيع المدونة وتسخر من ده وتتريق علي ده وفي الأخر تطالبني بالخلعان ومع كده اطريت علي موضوع معين لأن وجهة نظري اتفقت مع وجهة نظرك فيه
شيء عحيب جدا
يا اما اتفق معاك في كل حاجة وابقي حبيبك
يا اما ابقي عدو وجاهل
حق الأختلاف مرفوض
يعني انا لازم اكون زي شباب الأخوان اللي معانا في الجامعة مبرمج فكريا علي البروجرام بتاع الأخوان عشان اعجب حضرتك وانال الأطراء و المديح من مقامك العالي
عارف اللي انانفسي فيه بجد...... انك تكون بتعتذر بصدق عن اسلوبك الأول في الحوار ؟
مش هافتش جوا قلبك واقول ان طريقة سير الحوار هي اللي خلتك تعتذر بس يارب انت اوغيرك تقتنعوا بحق الأخرين في الأختلاف وان مقياس التقييم النهائي لأي فكرة في النهاية يكون ارضاء لوجه ربنا الكريم ثم مصلحة الوطن ولاشيء اخر
طبعا انا متقبل اعتذارك عن وصفي بالديكتاتور وكل الكلام ده
بس علي فكرة انا ما زعلتش ابدا منك انا ضحكت في سري بس علي طريقتكم في الحوار
وكمان فرحت جدا لما قريت كلام ابراهيم لأنه حاجة بتوعد بمستقبل احلي للأخوان هيسيطر عليه شباب ربما تتوافر لديهم رغبة في الحوار مع الأخرين من منطلق مصلحة مصر مش منطلق ان الأخوان هماالفصيل الأقوي والتنظيم الأكبر في البلد لأن ده بيضرنا كلنا ومصلحة البلد بتضيع بسبب اختلافنا ده
استاذ حذيفة ابراهيم
اعتقد ان انت حذيفة بتاع برج العرب ؟
ع العموم موضوع المقاطعة شغال و بنحاول نعمل اللي ربنا يقدرنا عليه
_______________________________________________
استاذ مصطفي ريان
متفهم كلامك كله يادرش
بس كل ما اتمناه ان نجعل مصلحة مصر فوق اي اي اعتبار او مصلحة شخصية و اتمني ان تتم تنحية كل الأختلافات بين كل فصائل المعارضة (الحقيقية) في مصر وان نصل جميعا الي كلمة سواء للوقوف في وجه النظام الظالم
تحياتي ومودتي لمرورك الكريم
_________________________________________________
استاذ حازم سويلم
اعترف ان الألعاب السياسية ليها دايما حسابات اخري
بس احنا في مرحلة تحول ومحتاجين نعرف مين مع الشعب ومين بيوالس حكومةونظام مبارك لتحقيق بعض الأرباح الرخيصة .
_________________________________________________
الأخ ابو نذار
شكرا لتفهمك الجميل لمعني الأختلاف ورفضك لوصاية اي شخص علي افكار الأخرين
معظم اعتراضي علي موقف الأخوان هو اعتراض علي وصف بعض قيادتهم للأضراب بالفوضي غير المسئوله لأنك كده انتقلت من خانة الألعاب السياسية المسموح بيها لتحقيق بعض المكاسب الي خانة النفاق و خيانة الشعب المصري اللي اضرب عشان الحكومة تحس بمعاناته مع لقمة العيش
الجميل جدا ابراهيم
لا داعي لأن نقسو علي اسراء اكثر من هذا لأن هذه الفتاة وقفت وحدها تحارب بوجه مكشوف في معركة غير متكافئة بالمرة وحاولت تخرج منها بأقل خسائر ممكنة
اسراء حاربت بوش مكشوف زواحنا قاعدين هنا نحارب من ورا الكيبورد
اسراء كانت لوحدها
ضعيفة
وحيدة
واحنا كلنا خذلناها
وتركناها تقاتل معركتها لوحدها
بس هي قاتلت بكل شرف وشجاعة
ومش مطلوب منها اكتر من كده .
good man
هما دول الاخوان فعلا
بس بنتمني انهم يتغيروا لمصلحة البلد بس
شكرا علي مرورك الجميل .
____________________________________________________
اجندة حمرا يا جميل
شيء صعب جدا لما المباديء تتجزء لحساب المصالح الشخصية لأن دي حاجة بتخلي الأنسان - اللي عنده ضمير علي الاقل - يفقد احترامه لنفسه
ربيع سعيد عليك و ان شاء الله الربيع الجاي تكون مصر مش حزينة وترجع تاني تعزف احلي انغام السعادة علي ضفاف النيل
شكرا لمرورك ورائيك
السلام عليكم ورحمة الله
عندما قرأت موقف الإخوان عن الإضراب يوم 6 أبريل ، فما فهمته أنهم يمسكون العصا من المنتصف فلا هم مشاركون ، ولا معارضون ، فإذا أتى الإضراب بثمار قالوا لنا فيها نصيب ، و إذا "خربت" تجنبوا الضرر الذي سيلحق بهم من الحكومة ، و الأغرب أن الجماعة ضحت بالكثير من شبابها و قياداتها في الحبس و غيره في كل انتخابات و أقربها الانتخابات المحلية التي تدق الأبواب ، و تجربة الحبس و اضطهاد رجال الأمن عند أغلب الإخوان أسهل من شكة الدبوس ، فهل عدم المشاركة في الإضراب خوف "لا أظن " ، حكمة ؟ كان الأولى أن تتبع في مظاهرات عديدة من أجل "الكراسي" ، و لا المشكلة في إن الإضراب ابتدى من حركات تانية غير "الإخوان"؟ ، كالعادة في أغلب المعارضة كله بيفكر مين اللي هيمسك بعد كده ، لازم يكون من عندي ولو ما كانش يبقى الوضع على ما هو عليه ، يجب علينا أ ن نترك التعصب ﻷيدولوجيات أو اتجاهات معينة ، وعلينا أن نجعل الأولوية لمصلحة البلد
و أرجو من شباب الإخوان كأفراد أن يفكروا في مصلحة البلد و يفعلوا ما تمليه عليهم ضمائرهم و ليس ما تمليه قيادة الإخوان ، "أنا عارف إن إطاعة الأوامر في الإخوان أقوى من الجيش " بس فكر في النهاية إنك مع الإخوان عشان مصلحة البلد ـ تعمل إيه لو الإخوان خدت موقف ضد مصلحة البلد؟
في النهاية أتمنى أن نتخلص من العقدة المسببة لكل الكوارث التي نعيش فيها ، في البيت والغيط والشارع والحارة والكفر والبلد و الوطن العربي بحاله "مين هيبقى الريس؟؟؟؟؟
الاول مين الراجل اللى داخل يقولك يا عدو الاسلاميين ده
هههههههههههههههههههه
البعده حاطين دماغهم تحت المخدة اى حد مش موافقهم الراى يبقى عدو على طول
دها انا كنت فاكرة انا بس اصلهم كفرونى ونصرونى واخر حاجه انى تبع امن الدولةا اصل امن الدولة بتجند بنات الايام دى
عموما عادى نفض يا جيفارا الناس دى اصلا ظهرت حقيقتها وسقطت من زمان عباية الدين اللى لابسينها بهدف اغراضهم ومصالحهم الشخصية
زى الحربا كدا يتلونوا 100 لون فى الدقيقة المهم الصلحة تتقق
وطلبعا الاضراب مش من واراه اى مصلحة يبقى عايزهم يشاركو ازاى بس
سبحانك يارب
مدون زي جيفارا معظم افكاره رجعية جدا وخليتوه بطل وعدو للأسلاميين
طيب اقروا الأول موضوع رفضه لعمل المرأة و حكاية الشيشة العجيبة و بعدين ابقوا فكروا تاني في كل اللي كتبتوه هنا
محمد الشناوي - امريكا
في هبل هنا جامد جداً ياجماعه ...عايزين نحترم بعض شوية مش كده ..انتوا المفروض ناس متعلمه والمفروض مثقفه
المفروض يكون كلمنا بعيدا عن الإتهامات الجزافيه
........
والصراحه ياأخ جيفارا قبل مانتهم حد نكتب الأسباب ..والكلام ده لأي حد وليا قبل اي حد
..........
السلام عليكم و رحمة الله و بركاته
بالفعل لا يعجبني رد الاستاذ محمد خيري و لكني اريد ان يعجبك ردي
بالفعل الاخوان لم يشاركوا بالاضراب كجماعة و لهم اسبابهم في هذا و ذلك لانهم توقعوا ما سيحدث
هم يعلمون ان من دعا للاضراب اشخاص جيدون و لكنهم في ذات الوقت يعلمون ان هناك احداث سيئة ستحدث كما حدث في المحلة من الامن من قتل و تخريب
و لكني عن نفسي لم اكن سأضرب لولا ان هناك صديق لي من تلك الجماعة قد نصحني بهذا و اقنعني بأهمية المشاركة و ثم قلت له ان الجماعة تقاطع الاضراب فقال لي انه تقاطعه كجماعة و ليس كأشخاص
- يعني ممكن تلاقي مهدي عاكف نفسه عامل اضراب و لكن بصفته مواطن مصري و ليس بصفته مرشدا عاما للجماعة-
اعتقد ان المضمون وصل
شكرا لك
Post a Comment