Friday, May 2, 2008

الأهلي افيون الشعب المصري

تحديث (من زمان اوي نفسي اكتب الكلمة دي ) البوست ده منشور النهارده في جريدة الدستور
دصطوووووور يا اسيادنا


للأعلامي القدير عمرو اديب مقولة شهيرة جدا مفادها ان المواطن في مصر يولد اما تابعا للحزب الوطني او اهلاويا وربما -وهو الأغلب - منتميا للأثنين معا ......وهي مقولة بها جانب كبير جدا من الصحة في ظل سيطرة وانفراد الحزب الوطني بالحياة السياسية المصرية و الغاؤه التام لدور اي حزب منافس يحاول ان يتواجد معه علي الساحة اومشاركته ولو جزء صغير جدا من الكعكعة السياسية المصرية وهي كعكعة ضخمة للغاية ولكنها ليست عصية علي الهضم فكروش الحزب الوطني لا تمتلئ ابدا ولديها دائما القدرة علي ابتلاع وامتصاص المزيد و المزيد

كذلك النادي الأهلي المسيطر و المتربع علي عرش الرياضة المصرية لقرن اويزيد و العشق الأول و الأخير لجماهير المصريين العريضة .........ففي وطن يتعاطي ابنائه الهزائم و النكبات الواحدة تلو الأخري تجد ان النادي الأهلي قد اصبح الكيان الوحيد في مصر القادر علي رسم البسمه و الابتهاج علي وجوه المصريين فقطار انتصارات الأهلي لا يتوقف و دولاب بطولاته يتسع دائما للمزيد و المزيد من الكئوس و الدروع

النادي الأهلي مثله مثل الحزب الوطني لا يقبل الا بالمركز الأول وحصد كل البطولات .........ليالي خساراته -علي قلتها - هي ليالي سوداء كئيبة علي الشعب المصري وايام انتصاراته وفوزه هي اعياد طويلة تقام لها الأحتفالات الضخمة وتشهد فيها الفرحة و البسمة العريضة تغطي وجوه المصريين .................. هذه الفرحة التي فقد المصريون معناها ومذاقها في ظل الهزائم و النكبات المستمرة التي يلحقها بهم الحزب الوطني بأستمرار فمن الهزيمة في معركة طابور الخبز الي الأحتراق بنيران الأسعار المرتفعة ومن نكسة صفر المونديال الي نكبةالعبارة ومن فضيحة الغذاء المسرطن الي عار تصدير الغاز المصري الي العدو الصهيوني وبثمن بخس ..............سجل ضخم للغاية من العار و الفضائح تضفي الكأبة و الهم علي نفوس المصريين ........ولكن .....يبقي الأهلي ببطولاته و انتصاراته النصير الأول للمواطن الغلبان المستضعف يزيل عنه الألام و يداوي جراح القلب المهموم ...ففي كل يوم تتحقق بطولة جديدة او يضاف انتصار جديد لسجل انتصاراته الحافل ويزداد عشق الأهلي في القلوب ليصبح وطنا داخل الوطن ويتحول من يوم الي اخر الي ......افيون حقيقي يتعاطاه الشعب المصري للتغلب علي احزانه و هزائمه .

34 comments:

ابراهيم said...

ان اهلوي حتي النخاع
انا من احباب محتكر فرحة المصرين
انا اعشق السحر احم المسمي الاهلي المصري
انا من الاخوان مش شرط اكون من الحزب الوطني
وفي النهاية لا اوافقك مطلقا علي تشبيهك للأهلي بالحزب الذي سرق منا كل مانملك حتي كرامتنا
ونادي يدفعنا للقيم للتوحد في الحب
انا اسكندراني وانتا اسكنداني مفهاش حاجة لما نتعرف علي بعض يعني

wael said...

اولا ازيك
الفكره ان الشعب المصري شعب يعشق الانتماء وبما ان الواحد بيحاول ينتمي لحاجه عدله فأعتفد انك الانتماء لمصر بقا مستحيل فملهاش حل غير الاهلي
على العموم عندك حق
وانا اهلاوي جدا بس بكتشف يوم بعد التاني ان الواحد لما بيكبر بيفقد اي نوع من انواع الانتماء لاي حاجه
تحياتي

رئـــــيسـة حزب الأحلام said...

اسعدتنى زيارتك لمدونتى ا
المتواضعة والاهلى والحزب الوطنى هما المتربعين من غير كلام

Anonymous said...

والله ياشباب دي فكره احاديه من جانبكم فقط لان انتم عور ومابتشفوش الا بعين واحده علشان انتم جهلاويه مش اهلويه بطولات ايه وانتصارات ايه وانتم اول فريق مصري يخسر نهائي علي ارضه من الشرميطي والغربي وبهدله من السودان والاتحاد وبلاتنيوم ده بمنطقكم ده زمان مصر مفحومه من العياط
ياولدي مصر كلها فرحانه ومزقططه وكله تمام حتي اسأل البورسيعديه والاسماعلويه والمحلاويه والاسكندرانيه وثلاث اربع القاهره الزملكاويه
روح يابني منك له العبوا بعيد قدام باب بيتكم مش عاوزين هوسه

Desert cat said...

انا ماليش فى الكورة
بس اهى حاجه بنفرح بيها بدل الهم اللى الناس فيه ده

Desert cat said...

انا ماليش فى الكورة
بس اهى حاجه بنفرح بيها بدل الهم اللى الناس فيه ده

جيفارا المصري said...

علي فكرة يا عم خالد والله العظيم انا زملكاوي و اتحاداوي كمانبحكم الأنتماء الجغرافي بس كل الحكاية انها كلمة حق وحالة تستحق الرصد

Anonymous said...

انا اهلاويه
بس مش متعصبة

وولاء
النادى الاهلى جابلنا انتصارات ونتايج رياضية تشرف

حاجه تفرحنا

مش شليفة مجال اطلاقا للمقارنة ما بينة وبين الحزب الوطنى

السياسه كلها الاعيب ودهاليز وما خفى كان اعظم

اما الرياضه
يا غالب يا مغلوب

والحمد لله الاهلى غالب
ولا علاقة لذلك بالسياسه

Anonymous said...

جيفارا العظيم
انا اسفة انا كتبتلك ولاء

بس التعليق هو نفسه ما اختلفش

يعنى يبقى التعليق
انا اهلاويه
بس مش متعصبة

جيفارا
النادى الاهلى جابلنا انتصارات ونتايج رياضية تشرف

حاجه تفرحنا

مش شليفة مجال اطلاقا للمقارنة ما بينة وبين الحزب الوطنى

السياسه كلها الاعيب ودهاليز وما خفى كان اعظم

اما الرياضه
يا غالب يا مغلوب

والحمد لله الاهلى غالب
ولا علاقة لذلك بالسياسه

klmat said...

السلام عليكم
فى الاحزاب مافيش غير الحزب الوطنى بلى الذراع اما فى الرياضه فالاهلى بنتائجه
وانتصارته الناتجه عن بذل الجهد
والخلق والاداره الجيده
مايقصده عمرو اديب بالاهلى والحزن الوطنى
هو التربع على العرش بس شتان بين الاتنين
انا ماليش فى الكره بس بفرح لما اشوف
الاهلى مفرح مصر
عقبال مانفرح بانتصارات كبيره فى الانتاج ونكون بلد نظيف قوى متحضر
تسوده العداله وكل من تسبب فى اذيه
مصر من هواء ملوث وضمير ميت وحوادث الطريق وحرق قصر الثقافه وغرق العباره وهجره الشباب وحيرتهم يكون فى المكان اللى يستاهله
عميق تحياتى

ahmed saker said...

السلام عليكم و رحمة الله و بركاته
سعدت بمطالعة مدونتك
و الذي اسعدني اكتر انك زملكاوي ترصد تفوق الاهلي بدون تعصب و برؤية موضوعية
هذا هو ما ينقصنا في شتي مناحي الحياة
شكرا لك

Anonymous said...

دا حقد زملكاوي علي الأهل وجماهيره

خليكم كده يا زملكاوة موتوا بغيظكم

Empress appy said...

هههههههههه انا بشجع الاسماعيلى اه والله مش عارفه ليه مع انى من القاهرة بس اهو بقى بحب اللعبه الحلوة وخلاص
بص انا مش بحب التعصب فى الحاجات دى ويمكن ناس الامور بتفلت منهم
بس عادى يعنى

Anonymous said...

عزيزي

علي فكره انا مالياش في الكوره بس أكيد بفرح لما الفريق القومي بيلعب مع اي فريق تاني و بيفوز
بتهيئلي ان جميع الفرق المصريه بتلعب بأسم مصر ولازم نشجعها كلها و فعلا الكوره بتلهي الناس عن مشاكلها
يعني فاكر لما الريس تدخل لحل مشكله الحضري؟ساعه مثلا موضوع اسراء ماسمعناش انه تدخل
غريبه صح؟
بس ايه اللي في الدنيا مش غريب دلوقتي

تحياتي ليك

دكتور حر said...

لا يا جيفارا لا

ظلمت الأهلى يا راجل

الاحتكار هنا بالنصب والظلم
وهنا بالمجهود وضعف الآخرين


مقارنه ظالمة

Anonymous said...

اهلي ايه اللي انت جاي تقول عليه

انت عارف الأهلي حصله ايه ؟؟

رفعه الأتحاد سيد البلد
هيييييييه

break said...

فعلا موضوع على الوجيعة
انا رغم انى مش اهلاوية ولا بشجع الكورة

بس بفرح لما الاقى الناس فرحانة حتى لو حاجة بسيطة زى دى؟
ولا ايه رايك

Ahmed El-Agouz said...

جيفارا باشا
الاهلي من الحاجات القليلة اللي بتحسسني اننا لسه فينا امل
ان ممكن نضحك
لولا الاهلي مكنش الواحد عرف طمع الانتصار ولا ذاق حلوته علي الاقل من يوم ما اتولدت

متشكر يا سيدي علي البوست ده
العجوز

Anonymous said...

دا اسمه حقد زملكاوي

اسلام صديق said...

علي فكرة الناس بتشجع الاهلي عشان هو الحاجة الوحيدة الي بتحسس المواطن انه ممكن ينجح

بس ماظنش ان حد بيشجع الحزب الواطي لانه فاشل اصلا

Anonymous said...

انا وصلت هنا من جوجل
بس عايز اقول للأستاذ اللي كاتب الكلام ده

نقك دكر يا سيدي المحترم

يا ساتر يارب

Anonymous said...
This comment has been removed by a blog administrator.
جيفارا المصري said...

العزيز ابراهيم

ربنا يخليك لعشقك و لسحر الأهلي
انا تشبيهي كان القصد منه المقارنة بين الغم و النكد اللي بيعيشنا فيه الحزب الوطني و السعادة الحقيقية اللي بيعيش فيها الشعب المصري مع انتصارات و انجازات الأهلي
الأهلي هو الحاجة الوحيدة اللي كسبانة في بلد خسرت و بتخسر كل حاجة

طبعا يسعدني التعرف بيك يا عم هيما
احنا نطول يا عم؟!

محمد فوزي said...

جيفارا تحياتي
مبروك على نشر موضوعك في الدستور
موفق دائما ان شاء الله

انما شفت التعصب الغبي
الناس سابت كل حاجه وداخله تقولك ده حقد وده نق وده بطيخ

يا عم ده احنا بطيخ خالص , ده حتى لو جابولنا ملايكه تحكمنا طول ما احنا بالعقليه دي من التعصب والجهل
عمرنا ما هنتقدم

ماشي ياعم
الأهلي شبه أحزاب المعارضه اللي بتاخد على دماغها بالجزمه
عاجبكم كده!!

يا عم المجهول الأخراني انت عند ربنا هتبقى معلوم ومفضوح جدا
فخلي عندك دم

جيفارا المصري said...

دكتور وائل يا جميل
شرفني مرورك يا غالي
و تحليلك موفق جدا
الأهلي بقي وطن الباحثين ع الفرحة و السعادة بعد ان اصبح الأنتماء لبلد الهزائم و النكبات ضرب من الخيال

سعيد بتشريفك وكل سنة وانت طيب
وعقبال مائة سنة

جيفارا المصري said...

klmat
كلنا بندعي معاكي ويارب اللهم استجب
_________________________________________
ahmed saker
الظاهرة الأهلوية حاجة تستحق الرصد بمنتهي الأمانة
وع العموم اديك شايف بيقولوا داحقد زملكاوي
_____________________________________________
ابو السيد
وماله يا عم احنا بنحقد
عندك مانع
اللي متغاظ مننا
يحقد زينا

جيفارا المصري said...

appy
اجدع حد في مصر اللي بيشجع الأسماعيلي
صباحه جدعنه
______________________________________________
اجندا حمرا
كلامك صح يا عزيزي
ولو تفتكر هتلاقي ان موجة الغلا الأخيرة كانت في فترة الأمم الأفريقية و الناس و لا هي هنا خالص .

جيفارا المصري said...

دكتور حر يا جميل
احتكار الأهلي مش كله مجهود
في سيطرة علي الأعلام من خلال حن حمدي و الخطيب و شركاهم
في خنق الأندية الصغيرة
في سيطرة علي اتحادات الكورة المختلفة
في خطف اللعيبة الكويسة حتي لو مافي حاجة ليهم
في حاجات كتير اوي ورا احتكار الأهليزي مافي اسباب كتير اوي ورا احتكار الوطني

سعيد بتواجدك جدا

جيفارا المصري said...

عفريت السيالة يا عفريت مش هقدر اقولك غير حاجة واحده

ولسه


شامم رايحة ايام سودا
__________________________________________________
break

وانا كمان و الله بفرح لفرحة الناس و بقول اهي حاجة تنسيهم الغلب اللي هم عايشينه
تحياتي ___________________________________________________
اونكل عجوز بيه
ربنا يخليلكم الأهلي و انتصاراته و .........سعادته
_________________________________________________________

جيفارا المصري said...

عم الأفغاني
الناس اللي بتشجع الوطني بتشجعه عشان المصالح
يعني مش حب انتماء
لاء
دا حب مصلحة
______________________________________________
محمد باشا فوزي
شكرا علي تهنئتك الجميلة
اللي انت شايفه دا اسمه التعصب الأعمي
انا لو ما كنتش قلت ان انا زملكاوي كنت هاسمع كلام احسن من كده
.

مجداوية said...

السلام عليكم

سعيدة بتشريفك مدونتى لاتاحتى الفرصة للتعرف على مدونتك

شوف اخى الكريم اذا اردت قياس صلاح اى فكر موجود فى مصر فهناك دليل كل ما يخالف الحكومة فهو حق فلاخوان رغم انى لا اؤيد ان يعنوَن الاسلام فطالما انهم يؤرقون الحكومة فهم على حق ورغم كل ما يصدر منهم او من بعضهم فالحكومة كفيلة بان تشوة سمعة اى جماعة او اى فرد اذا لم يكن على هواها

وقد نختلف وقد نتفق مع الاخوان فهم بشر وليسوا معصومين من الخطأ لكن لم نتفق أبدا مع الحكومة لأنهم ليسوا من البشر

اما ان الهلى افيون الشعب او المفرج لهمومه
فلا دايم غير وجه الله فقد كانت هناك اوقات الاهلى كان سببا فى هم الشعب المصرى كما يحدث لجمهور الزمالك الان وكان للزمالك وقت متوجا على الكرة فالأيام دول ,ووأنا كنت زماااااان أهلاوية ولكن لم اكن يوما متعصبة لهذا اللعبة التى أصبحت خطرا على وحدة الناس وتعاطفهم فهى أصبحت فعلا مثل الادمان بكل مساوئه

أتنمى أن يفيق كل مسلم وكل مصرى من آفة التعصب والانتماء لنادى دون آخر ولو كان لا بد من مشاهدة هذه اللعبة فليكن انتماؤنا للفريق القومى ونشجع اللعبة الحلوة لكل الفرق
دون التعصب لاسم دون اسم والأهلى بالفعل أصبح مثل الحزب الحاكم بأمر نفسه أصبح ديكتاتوريا ومحتكرا وأفسد على الناس متعتهم بشراءه جميع اللاعبين المجيدين من الأندية الأخرى

هو تشبيه بليغ منك فى الظلم وان كنت طبعا لم تقصد هذا المعنى ولكن هذا ما أراه على أرض الواقع من أهلاوية قديمة ومسلمة فقط فى الوقت الحاضر

الذى تستديم الابتسامةوالفرحة معه والذى يفرج الهموم دائما والذى لا يتغير بتغير الظروف والأحوال
والذى هو دائما الأعلى ولا يعلى عليه
والذى يعيننا على مصائب الدنيا والحكومة والناس

هو اللــــــــــــــــــــــــــــه


تحياتى وتقديرى لك أخى الكريم

la3lahakhier said...

السلام عليكم
طاب انا لالى فى الكورة ولا السياسة مالاقيش عندكو حبة اى حاجة تانية
ههههههههه
كل التحية جيفارا ودايما كدا مشعلل التعلقيات

Anonymous said...

عزيزي جيفارا

بظبط كده عزيزي موجه الغلا الأخيره كان في موسم الأمم الأفريقيه
هما بيلعبوها بمهاره عاليه بيلهوا الشعب بحاجه هو بيحبها و يعملوا حاجه هو مابيحبهاش من غير مايحس
تحياتي ليك

Anonymous said...

الأفيون كان جامد النهارده