Wednesday, May 14, 2008

ام هناء عندها سرطان!!


جارتنا ام هناء نموذج للمرأة المصرية المكافحة الأصيلة

يعني ببساطة ممكن تكون هي الست اللي راكبة جنبك في الباص او واقفة جنبك في طابور العيش

او واقفة بتفاصل مع بتاع الخضار اللي علي قمة الشارع

ممكن تلاقيها الصبح بدري قدام باب المدرسة الأبتدائي بتوصل اطفالها لغاية الفصل

بأختصار ام هناء زيها زي اي ست مصرية بتكافح في الحياة عشان تساعد جوزها وتربي عيالها

ام هناء بقالها كام يوم بتشتكي للحاجة (امي ربنا يباركلي فيها )و بتقول :كل يوم الصبح اقوم من النوم واحس كأني شاربة زيت وطعم ربقي وحش قوي

امي اقترحت انها تروح تحلل

و ياريتها ما اقترحت

النتيجة طلعت امبارح و الدكتور بكل اسف اخبرهم انها مصابة بسرطان الكبد


كلنا في حالة صدمة شديدة جدا وما فيش حد مصدق نفسه

ربنا يتولاكي يا ام هناء و يرزق اهلك الصبر

19 comments:

رئـــــيسـة حزب الأحلام said...

ربنا يعينها ويقدركم تقفوا جنبها

dreem said...

ربنا يشفيها ويعافينا
ويخلى لنا امهاتنا يا رب

commerceman said...

اللهم اشفى مرضانا ومرضى المسلمين
وارحم موتانا وموتى المسلمين
آمين

mostafa rayan said...

ربنا يشفي عنها وعن مرضي المسلمين جميعا

Rania Lelah said...

اللهم اشفيها يا ارحم الراحمين
ربنا يلهمها الصبر
و يشفى جميع المرضى ان شاء الله

Anonymous said...

عزيزي جيفارا

ربنا يكون في عون ام هناء و في عون اهلها
و يشفي جميع المرضي

Anonymous said...

ربنا يشفيها ويكون في عون اهلها
حسبنا الله فيمن سرطن الشعب المصري

شفـقــة و إحســــان said...

ربنا يشيفيه يارب ...مرض لعين ربنا يحفظنا منه

ابراهيم said...

نسال الله العظيم رب العش العظيم أن يشفيها
اخي شفاها الله وعافاها
وأسال الله ان يكون هذا المرض مغفرة لذنوبها وطهرة لها وان يرزقها علي صبرها الجنة
اللهم امين

Ahmed El-Agouz said...
This comment has been removed by the author.
Ahmed El-Agouz said...

جميل جدا انت تشعر بمعني الانسانية فها هو
الالم يوحدنا فعندما تجد من يتالم امامك تراك لا تسال عن جنسه او دينه ولكن تسال ما الذي يؤلمه انها الانسانية
المرض لا يفرق... ليتنا نكون مثله
ان نعلوا علي مشاكلنا وخلافتنا والاتحاد علي انسانيتنا
نبحث عن هذة الانسانية في ديننا نجد انه دين الانسانية وكذلك كافة الكتب السماوية لانها جميعا من عند اله واحد هو خالق هذة الانسانية

شفا الله ام هناء وكل من كان مثلها
ربنا لا تاخذنا بما كسبت ايدينا
ربي ارحمنا
ربي ارحمنا

ربي ارحمنا
شكرا يا جيفار يا انسان

بنات صاحبة الجلالة said...

اللهم اشفيها يارب العالمين وخفف عنها الام هذا المرض اللعين وباذن الله تقوم بالسلامة من اجل ان تكمل مشوار حياتها مع ابنائها شفاها الله وعافها

جيفارا انت انسان رائع ومشاعرك نبيلة

لك تحياتنا

بحبك يامصر said...

ربنا يشفى كل مرضانا
اللهم امين

محاولة لكسر الصمت said...

ربنا يشفيكي يا أم هناء ويشفي مصر كلها.............من كل الأمراض...اللي انتو عارفينها طبعا......

غازى said...

بغض النظر عن البوست اللى باعلق فيه دلوقتى إلا انى شدنى جدا إسم البلوج

وقررت أحط كومنت قبل ما اقرأ أى حاجة عشان أقوللك بس : أحييك على اختيارك

على فكرة أنا من عشاق أمل دنقل وببقى مبسوط أوى لما بقابل حد يقدره

أول مدونة عملتها فى حياتى كانت اسمها : كلمات اسبارتكوس , ياريت تزورنى

ودلوقتى بقى أسيبك واروح اقرأ البوستات بتاعتك ونبتدى الردود


غازى

جيفارا المصري said...

الأصدقاء الأعزاء
شكرا لكم جميعا علي كلماتكم الجميلة و المعبرة
و لكن حالة ام هناء تتدهور بشدة
و يؤلمني للغاية مصير هذه الأسرة الصغيرة التي تحطمت في ايام قليلة جدا
رحمتك يارب
و اللهم انتقم ممن كان سببا في سرطنة شعب مصر

Zika said...

انا حاسس اني اول مره ادخل المدونه عندك رغم اني بدخل من فترة طويله
بس دايما كنت بدخل مش بلاقي مواضيع جديده
انا المره دي قريت كل المواضيع وبجد بحييك علي المدونه
ودي اول مره اعلق رغم اني مش اول مره ادخل المدونه
تحياتي

Empress appy said...

ربنا معاها يا رب ويشفيها حاولوا تقفوا جنبها نفسيا بجد علشان هى كده مدمرة قوى والعلاج النفسى مهم قوى

هموم مواطن said...

اللهم اشفى مرضنى ومرضى المسلمين وانتقم من كل ظالم لوث طعام المصريين حتى اصابهم بكل الامراض الى لم نسمع عنها غير فى هذه الزمن زمن مباااااارك افندى