في البداية احب اقول لابو يحيي و لكل الصحفيين الابطال اللي اتحكم عليهم معاه قلبي معاكم و صدقوني مصر مش هتنساكم ابدا
المهم احنا عايزين نتكلم شوية عن الدستور و اللي بيجري فيها
استاذ ابرهيم هكلمك بصراحة و كواحد من اشد المعجبين بتجربة الدستور الصحفية احب اناقش معاك شوية حاجات كده
بصراحة انا شايف ان ده انسب وقت يا ابو يحيي تاخد عمنا بلال فضل و تطلعوا علي عمرو سليم وتتصافوا و ترجعوا الراجل تاني لقرائه و معجبينه
استاذ ابراهيم خالد البلشي و عبير العسكري من عندكم ....من الدستور و مكانهم في الدستور و لازم يرجعوا
تجربة ان الاساتذة الكبار زي عبد الحليم قنديل و ووائل الابراشي وعادل حمودة يكتبوا في الدستور كانت جميلة جدا و ثرية و نتمني استمرارها
الاستاذ جمال فهمي لازم يرجع يمتعنا بكتابته تاني و عيب يا ابو يحيي لما تخسروا بعض عشان كارنيه نقابة حتي لو كان لبنت رئيس مجلس الادارة ( علي الاقل شباب الدستور اولي )و لا ايه ؟
صفحة قلمين صنعت جزء كبير من شهرة الدستور في صدارها التاني و لازم ترجع تاني يا عم ابراهيم و حكاية ان الاستاذ بلال مش عايزنا نكتئب معه فحب قله ........لا تبتسم انت في مصر بلد الكأبة الازلي !!
صفحات زي رعب و الالعاب استنفذت غرضها و بق مملة جدا و التجديد مطلوب و بعدين ودا الاهم هو عم احمدالفاجومي اختفي فين ؟؟؟؟
عندي اقتراح يمكن يون كويس و هو تخصيص ركن دائم لنجوم التدوين في مصر في العدد الاسبوعي يتبادلوا عليه بمقالاتهم (وائل عباس ,الشرقاوي , نوارة,جيمي .............الخ )و طبعا مش عايزين نقول ان علاقة الدستور ببعض المدونين لازم تتصلح عشان بعد كده و في الفترة الجاية ما تقفش الدستور لوحده في وجه النظام .....لازم كلنا نبقي ايد واحدة
اخر حاجة تقولوا للأستاذ بتاع التعتعة ان التعتعة اليومين دول بقت مملة اوي ييييييييييي.
6 comments:
يا ولدي انت لساك مخدوع في ابراهيم عيسي و شلة النصابين اللي حواليه
يا حبيبي ابراهيم زيه زي بكري ممكن يبيع قلمه لأي حد يدفع اكتر
ابراهيم عيسي كان ممكن يبيع نفسه وقلمه للحزب الوطني السنة اللي فاتت بس التمن كان قليل قام باع قلمه للأخوان و عشان يفضي السكة طرد كل الشرفاء من الدستور زي البلشي و عمرو سليم و عبير العسكري
اصحي يا عم جيفارا ووفر فلوسك يا
صح ياجيفارا انا معاك في كلامك دة
عم محارب الساموراي هقولك ايه ؟
الراجل ده لو مش من اشرف الرجال في مصر عمره ما كان هيتعرض لكل هذه الملاحقات و المحاكمات ابدا.
شكرا يا عم درش لأتفاقك الجميل معايا
جيفارا اسعدنا التواجد في مدونتك
بص الدستور خسر
طبعا استاذنا العظيم خالد البلشي بس استاذ خالد صعب يرجع للدستور تاني لانه خلاص راح جريدة البديل وكمان عبير العسكري مينفعش ترجع تانى بعد التطورات اللي حصلت في الجرنال دا غيره انها سافرت كندا ومش ناوية ترجع مصر تاني اما الرائع عمرو سليم بجد كان مقاله ورسوماته من الذ مافي الدستور
تحياتنا
مساء الخير يا جماعة البوست ممكن يكون قديم شوية بس أنا لسة شايفاه وحبيت أقول بس إن خلاص الدستور فعلا دلوقت له سياسته التحريرية الخاصة بيه والأدرى بيها العاملين عليه
وفعلا خالد البلشى مش هيرجع تانى لأنه بيحاول يعمل تجربة محترمة فى البديل وهو بالفعل قادر على ذلك تماما بكتيبة الصحفيين الرائعة اللى معاه
وحبيت أشكر كل الزملا اللى ردوا على هذه التدوينة المحترمة وكمان أحب اشكر العزيز جيفارا على هذا البوست
أما بنات صاحبة الجلالة فأنا أحب بس أوضح لك انى صحيح فى كندا لكن هارجع مصر تانى وأنا هنا لفترة قصيرة 4 سنوات فقط يتخللهم زيارات كثيرة لمصر ومش عارفة مين قالك حكاية مش راجعة تانى دى :)
اسفة للإطالة وربنا يوفقكم ويوفق الاستاذ ابراهيم عيسى للمصالحة مع صحفيي الدستور الموجودين والحفاظ عليهم
عبير العسكرى
تورنتو -كندا
مساء الخير يا جماعة البوست ممكن يكون قديم شوية بس أنا لسة شايفاه وحبيت أقول بس إن خلاص الدستور فعلا دلوقت له سياسته التحريرية الخاصة بيه والأدرى بيها العاملين عليه
وفعلا خالد البلشى مش هيرجع تانى لأنه بيحاول يعمل تجربة محترمة فى البديل وهو بالفعل قادر على ذلك تماما بكتيبة الصحفيين الرائعة اللى معاه
وحبيت أشكر كل الزملا اللى ردوا على هذه التدوينة المحترمة وكمان أحب اشكر العزيز جيفارا على هذا البوست
أما بنات صاحبة الجلالة فأنا أحب بس أوضح لك انى صحيح فى كندا لكن هارجع مصر تانى وأنا هنا لفترة قصيرة 4 سنوات فقط يتخللهم زيارات كثيرة لمصر ومش عارفة مين قالك حكاية مش راجعة تانى دى :)
اسفة للإطالة وربنا يوفقكم ويوفق الاستاذ ابراهيم عيسى للمصالحة مع صحفيي الدستور الموجودين والحفاظ عليهم
عبير العسكرى
تورنتو -كندا
Post a Comment